Қазақстандық конькиші Екатерина Айдова Норвегияның Хамар қаласында өткен чемпионатта 500 метрге жүгіру сынында бақ сынады, деп хабарлайды Almaty-akshamy.kz Sports.kz-ке сілтеме жасап.
Спортшымыз бұл сында 38,40 секундтық нәтиже көрсетті. Ол осы аралықта жеңіске жеткен конькишіден 0,61 секундқа кешірек келіп, мәреге жетінші болып жетті.
Үздік үштіктен келесі спортшылар көрінді: бірінші орынды голландиялық Фемке Кок, екінші орынды австриялық спортшы Ванесса Херцог және үшінші орынды поляк конькишісі Анжелика Войьчик иеленді.
Атап өтетін жайт, 2022 жылғы Олимпиадада қазақстандық спортшымыз осы аралықта 20-шы болып келген.