Қазақстандық боксшы Нұрбек Мұрсал Үндістанның Дели қаласында өткен World Boxing ұйымының Әлем кубогының финалдық кезеңінде күміс жүлдеге ие болды, - деп хабарлайды Аqshamnews.kz тілшісі.
Нұрбек Мұрсал 70 келіге дейінгі салмақ дәрежесінде финалға дейін жеткен. Шешуші жекпе-жекте ол үндістандық Хитешке қарсы шықты. Үш раунд қорытындысы бойынша төрешілер жеңісті қарсыласына беріп, қазақстандық боксшы турнирді күміс медальмен аяқтады.
Сондай-ақ Қазақстан құрамасы Дели төрінде тағы бір алтын жүлде еншіледі. 85 келіге дейінгі салмақта өнер көрсеткен Сұлтанбек Айбарұлы финалда Өзбекстан боксшысы Жасурбек Юлдошевтен басым түсіп, ел қоржынына “алтын” салды.
Айта кетейік, Дели қаласындағы финалдық кезеңде Қазақстан құрамасы бір алтын, бір күміс және бірнеше қола медаль жеңіп алып, маусымды жүлдемен түйіндеді.