Қазақстан Республикасы атынан Солтүстік Қазақстан облысының «Sensitive» бал биі театрының жастары қатысты.
Еліміздің өнерпаздары АҚШ-та өткен биден әлем чемпионатында гран-при ұтып алды, деп хабарлайды Almaty-akshamy.kz
Бұл сүйінші хабарды Солтүстік Қазақстан облысының мәдениет басқармасы әлеуметтік желіде жариялады.
22-31 шілде аралығында АҚШ-тың Калифорния штатындағы Анахайм қаласында орындаушылық өнер түрлерінің 25-ші мерейтойлық Дүниежүзілік чемпионаты өтті. Чемпионаттың голливудтық форматы әлемнің 72 елінің 3000-нан астам конкурсанттарын қызықтырып, өзіне алып келді.
Жартылай финалға өткен «Sensitive» отандық бал биі театрының қатысушылары жақсы өнер көрсетіп, ақтық сында гран-приді жеңіп алды. АҚШ, Ирландия, Франция, Австралия, ОАР, Тайланд, Канада және Германия сынды елдердің мықты өнерпаздарымен бақ сынасты.