Эльдар Яғияев - 28 жаста. Ол турникке 35 келі жүкпен бірге тартылып, әлемдік рекордты жаңартты.
Осылайша, ол испандық спортшының 34,4 келі көрсеткішінен асып түсті, деп хабарлайды Almaty-akshamy.kz.
Ақтаулық жігіт бұған дейін де белтемірге 19 келі жүкпен тартылып, рекорд орнатқан болатын. Көшедегі воркаут алаңдарда жаттығып, шыңдалған жас жігіт - бүгінде спорттың осы түрінен әлемнің жеті дүркін чемпионы. Ол қазір кезекті жарысқа дайындалып жатыр.
«Қазір барлық аулада және теңіз жағалауында турник бар. Сонда қысы- жазы, спортпен тегін шұғылдануға болады. Бәріне қолжетімді спорт түрі, ешқандай ақша төлем қажет емес. Сондықтан спорттың осы түрін дамытып, оған жастардың қызығушылығын оятсам деген мақсатым бар», - дейді спортшы Эльдар Яғияев.