Adal партиясы Amanat құрамына кірді.
Қазақстанның Әділет министрлігі Adаl партиясы өз қызметін тоқтатуға құжат тапсырғанын хабарлады, деп хабарлайды Almaty-Akshamy.kz.
2020 жылы бұрынғы «Бірлік» партиясының атауы Adal партиясы болып өзгерген еді. Партияның саяси кеңесінің құрамына тоғыз адам енді: Элдар Жұмағазиев, Алмасбек Садырбаев, Лаура Маликова, Олжас Ордабаев, Ардақ Назаров, Мақсат Толықбай, Дәулет Мұкаев, Игорь Шацкий және Мұрат Қожамқұлов.
Қазір Қазақстанда тіркелген алты партия бар. Олар:
- Amanat;
- «Ақ жол» Қазақстан демократиялық партиясы;
- Қазақстан Халық партиясы;
- Жалпыұлттық социал-демократиялық партия;
- «Ауыл» халықтық-демократиялық патриоттық партиясы;
- «Байтақ» халықтық-экологиялық партиясы.
26 сәуірде Адал партиясы Аманат партиясына қосылғаны белгілі болды.