Қазақстан Республикасының Ішкі істер министрлігі техникалық қарасораны өнеркәсіптік көлемде өсіруге ресми түрде рұқсат берілетінін жариялады, деп хабарлайды aqshamnews.kz
Министрдің орынбасары Санжар Әділовтің айтуынша, бұл бастама есірткіге қатысы жоқ, керісінше өндірістік, медициналық, құрылыс және тоқыма салаларына қажет шикізат өндіруге бағытталған.
Қарасора — бұл өндірістік шикізат
Санжар Әділов нақтылап өтті:
-
«Бұл — есірткі емес, бұл — шикізат»
-
Өсірілетін техникалық коноплядағы ТГК мөлшері (есірткілік әсер етуші компонент) небәрі 0,1–0,3%
-
Жүйе қатаң бақылауда болады: егін себуден бастап, соңғы талшығына дейін
Лицензиялар беріліп жатыр
Қазіргі уақытта Қазақстанда 4 кәсіпорынға лицензия берілген, оның бірі — Қостанай облысында орналасқан, ТГК-сыз, толықтай қауіпсіз «нөлдік» қарасора өсіретін агрокешен. Бұл кәсіпорын мемлекеттік стандарттарға (ГОСТ) толық сәйкес жұмыс істейді.
Қарасора қайда қолданылады?
Өнеркәсіптік қарасора:
-
Тоқыма өндірісінде (арқан, мата, киім)
-
Құрылыс саласында (эко-блок, изоляция материалдары)
-
Медицинада (табиғи емдік компоненттер)
-
Қорғаныс өнеркәсібінде де пайдаланылады
Бүгінгі таңда көптеген мемлекеттер қарасораны экологиялық және үнемді шикізат ретінде кеңінен қолдануда.
мәлімдеді:
«Бұл өнімнің нашақорлыққа еш қатысы жоқ. Мұнда есірткілік әсер беретін заттар жоқ. Сондықтан бұл наркомандарға арналған тауар емес», -деді Санжар Әділов.
Қазақстанда техникалық конопляны заңдастыру — экономиканы әртараптандыру, экологиялық таза өндірісті дамыту және жаңа жұмыс орындарын құру бағытындағы қадам ретінде қарастырылып отыр.