Бұл жоба аясында елде жасыл технологиялар саласында бизнес ашып, жұмыс орындарын құруды қолдау көзделген.
Яғни, конкурс жарияланып, таза технологиялар бағытындағы стартаптар іріктеліп алынады, деп хабарлайды Almaty-akshamy.kz 24.kz-ке сілтеме жасап.
Кейін бұл жобалардың халықаралық деңгейге дейін шығару үшін тиісті жұмыстар атқарылмақ.
Айта кету керек, жаһандық экологиялық қор бұл мақсатқа 1 млн 400 мың доллар төңірегінде қаржы бөлген. Аталған ақшаның барлығы 3 жылдың ішінде стартап жобалардың әлемдік деңгейге шығуына қолдау көрсету үшін жұмсалатын болады. Бұл аралықта 100-ден астам жобаны іріктеп алу жоспарланған.
«Акселерация дейміз, оқытудан өтетін болады. Бірақ оған барлық стартаптар өте алмайды. Ол үшін арнайы кокурстар ұйымдастырылады. Конкурстарға өздерінің жобаларын ұсынған стартаптар іріктеу кезеңінен өтетін болады. Іріктеу 7 кезеңнен тұрады. Оның ішінде қалдықтар, су ресурстары, энрегия үнемдеу, климаттың өзгеруі сынды бағытта жобаларын ұсынған стартаптар болады», - деді Халықаралық жасыл технологиялар және инвестициялық жобалар орталығының өкілі Индира Жұмагелді.