Эстониялық Bolt компаниясы Қазақстанмен такси саласында ынтымақтастық орнату мәселесін қарастыруда. Бұл туралы Көлік министрі Марат Қарабаев мәлімдеді, деп хабарлайды aqshamnews.kz
Министрдің айтуынша, Қазақстанда такси саласында бәсекелестік орта қалыптасқан. Ол такси қызметтерінің ішінен тек Яндекс пен InDriver-ды атады. InDriver негізінен қалалық сапарларға, ал Яндекс - облысаралық сапарларға бағытталған.
Қазақстанда басқа агрегаторлардың пайда болу мүмкіндігі туралы сұраққа жауап бере отырып, Қарабаев бұл мәселенің талқыланып жатқанын айтты.
«Иә, басқа халықаралық агрегаторлардың қызығушылығы бар. Мысалы, бізге Bolt компаниясы жүгінді. Бұл - Эстониялық компания және Еуропада өте танымал, Яндекстің Еуропадағы баламасы іспеттес. Олар біздің нарыққа қызығушылық танытты. Егер осы компаниямен машиналарды іске қосу туралы шешім қабылданса, біз әрқашан қолдауға дайынбыз», - деді Марат Қарабаев.
Министрдің айтуынша, такси саласындағы кез келген бәсекелестік соңғы қызмет бағасының төмендеуіне әкеледі.