Осыған байланысты мектептерге түскен жүктеме - ауыр.
Бұл туралы Білім және ғылым министрі Асхат Аймағамбетов Үкімет отырысында «Жайлы мектеп» ұлттық жобасы туралы баяндамасында айтты, деп хабарлайды Almaty-akshamy.kz Elorda.info-ға сілтеме жасап.
«Тек соңғы 10 жылдың ішінде оқушы саны 1 млн-ға өсіп, бүгінгі күні 3,7 млн-ға жетіп қалды. Бұл тарихта болмаған рекордтық көрсеткіш.
Осыған байланысты мектептерге үлкен жүктеме түсіп отыр. Проблемаға әсер етіп отырған бес фактор бар.
Олар - урбанизация, миграция, туу көрсеткіші, мектеп ғимараттарының тозуы және мегаполистерде тұрғын үйлердің тығыз салынуы. Бұл факторлар жобада толығымен ескерілді», - деді министр.