Қазақстанда шомылу маусымы басталғалы су айдындарында 69 бала қаза тапты, деп хабарлайды Aqshamnews.kz ІІМ баспасөз қызметіне сілтеме жасап.
Ведомство мәліметінше, қайғылы жағдайлардың басым бөлігі шомылуға жабдықталмаған аумақтарда тіркелген. Мұндай жерлерде су түбі тексерілмеген, ағыс қатты және иірімдер болуы мүмкін.
Сондай-ақ балалардың суға кетуіне ересектердің қарауынсыз қалуы да жиі себеп болады. Кей жағдайда демалыс кезінде ата-аналардың алкогольді ішімдік ішуі де бақылаудың әлсіреуіне әкеледі.
ІІМ тыйым салынған жерлерде шомылғаны үшін әкімшілік жауапкершілік қарастырылғанын еске салды. Жыл басынан бері ӘҚБтК-нің 364-бабы бойынша 2,7 мыңнан астам адам жауапқа тартылған.