2026 жылғы 1 мамырдағы мәлімет бойынша, Қазақстанда Ұлы Отан соғысының 57 ардагері тұрады, деп хабарлайды Aqshamnews.kz тілшісі.
Еңбек және халықты әлеуметтік қорғау министрлігінің мәліметінше, Жеңістің 81 жылдығына орай әр ардагерге 5 миллион теңгеден біржолғы төлем берілген. Бұл төлем барлық өңірде бірдей көлемде қарастырылған.
Сондай-ақ елде қазіргі таңда:
— 31 349 тыл еңбеккері;
— 2 707 Чернобыль апатының зардабын жоюға қатысқан азамат;
— 110 бұрынғы концлагерь тұтқыны;
— 57 блокададағы Ленинград тұрғындары өмір сүріп жатыр.
Министрлік соңғы бес жылда соғыс ардагерлерінің саны шамамен 7 есе азайғанын атап өтті. Мәселен, 2022 жылы елде 381 ардагер болса, биыл олардың саны 57-ге дейін қысқарған.
Ведомство дерегінше, қазіргі таңда:
— «Халық қаһарманы» атағын алған 8 адам;
— «Қазақстанның Еңбек Ері» атағын алған 42 адам;
— Социалистік Еңбек Ерлері мен Еңбек Даңқы орденінің толық иегерлерінен 18 адам бар.
Ал ҰОС ардагерлерінің орташа ай сайынғы әлеуметтік төлемі зейнетақымен қоса есептегенде 290 мың теңгені құрайды