2026 жылдың басынан бері Enbek.kz электрон еңбек биржасында 102,7 мың бос жұмыс орны жарияланып, 162,4 мың түйіндеме орналастырылды. Еңбек және халықты әлеуметтік қорғау министрлігі бос жұмыс орындары мен жалақы туралы мәлімет берді, – деп хабарлайды aqshamnews.kz тілшісі.
Сұраныста жартысына жуығы жұмысшы мамандықтар үлесі (47,6%) - 48,9 мың бос орын.
Нақты кәсіптердің ішінде жұмыс берушілер тарапынан ең көп сұранысқа ие болғандар: мейіргерлер (1,9 мың бос жұмыс орны), санитарлар мен автомобиль жүргізушілері (әрқайсысы 1,8 мыңнан), сондай-ақ, математика пәнінің мұғалімдері (1,7 мың), - делінген хабарламада.
Ең көп бос жұмыс орны Астана қаласында (8,9 мың), Түркістан (7,3 мың) және Қарағанды (7,1 мың) облыстарында, сондай-ақ Алматы қаласында (6,9 мың) жарияланған.
Ең жоғары жалақы сұрағандар:
бұрғылау жөніндегі супервайзерлерге (орта есеппен 991 мың теңгеден бастап),
өндіруші өнеркәсіптегі учаске бастықтарына (876 мың теңгеден бастап),
бас геологтарға (803 мың теңгеден бастап) ұсынды.