Бүгін Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына жолдауын жариялады, - деп хабарлайды Аqshamnews.kz тілшісі.
Қазақстанда Жасанды интеллект министрлігі құрылады. Бұл туралы Тоқаев жолдауында айтты.
Жолдауда үш жылдың ішінде Қазақстан толыққанды цифрлық ел болуы керегін айтылды.
Президенттің айтуынша, Қазақстанда Жасанды интеллект және цифрлық даму министрлігі құрылады.
Жолдау барысында Президент Цифрлық кодекс туралы заңды жедел қабылдау қажеттігін атап өтті.
"Бұл құжатта жасанды интеллектті, платформалық экономиканы, үлкен деректерді пайдалану және басқа да цифрландырудың негізгі бағыттары айқындалуы тиіс. Жаңа технологиялық жүйенің бір бөлігі болу үшін мемлекеттік басқару жүйесін түбегейлі қайта құрып, оның ашықтығын, тиімділігін, адамға бағытталуын бірнеше есе арттыру қажет. Сондықтан қолданыстағы салалық министрлік негізінде Жасанды интеллект және цифрлық даму министрлігін құруды қажет деп санаймын", – деді Президент.