Қазақстан жаз айларында жанар-жағармай тапшылығын болдырмау үшін Ресейден импорттауға мәжбүр болуы мүмкін. Бұған себеп – 16 маусым мен 28 шілде аралығында Павлодар мұнай-химия зауытының (ПМХЗ) жоспарлы жөндеу жұмыстарына байланысты өндірісті уақытша тоқтатуы, деп хабарлайды aqshamnews.kz.
Reuters мәліметінше, ПМХЗ-ның тоқтауына орай елдегі жанар-жағармай өндірісі төмендейді:
Дизель отыны: маусымда 16%-ға, шілдеде 31%-ға азаяды;
Автокөлік бензині: маусымда 16%-ға, шілдеде 20%-ға кемиді;
Авиациялық керосин: маусымда 20%-ға, шілдеде 36%-ға азаяды.
Ресеймен жасалған үкіметаралық келісім аясында жанар-жағармайды бажсыз импорттау мүмкін болғанымен, оның бағасы Қазақстан ішіндегі бағадан жоғары. Нәтижесінде, импорттаушы – «ҚазМұнайГаз» ұлттық компаниясы – отынды шығынмен сатуға мәжбүр болады. Бұған ұқсас жағдай өткен жылдың қазан айында Атырау мұнай өңдеу зауыты ұзаққа созылған жөндеуде болған кезде де орын алған.