Қаржы министрлігі 2026–2028 жылдарға арналған республикалық бюджет жобасын жариялады. Құжатты Үкімет мақұлдап, Парламентке жіберді. Онда негізгі әлеуметтік көрсеткіштер - ең төменгі жалақы, зейнетақы, күнкөріс минимумы және АЕК көрсетілген. Бұл әзірге жоба мәртебесінде, бірақ әдетте бюджет қабылданған соң да өзгеріссіз қалады, - деп хабарлайды aqshamnews.kz.
2026 жылға негізгі көрсеткіштер:
- АЕК (айлық есептік көрсеткіш) - 4 325 теңге (2025 жылы - 3 932 теңге).
- Ең төмен жалақы - 85 000 теңге (өзгеріссіз).
- Ең төмен зейнетақы - 69 049 теңге (2025 жылы - 62 771 теңге).
- Базалық зейнетақы төлемі - 35 596 теңге (2025 жылы - 32 360 теңге).
- Әлеуметтік төлемдер үшін күнкөріс минимумы - 50 851 теңге (2025 жылы - 46 228 теңге).