Мониторингты жұмыс тобы жүргізетін болады.
Қазақстан Үкіметі шетелдік инвестициялық жобалардың іске асырылу барысын саралап отыратын болды, деп хабарлайды Almaty-akshamy.kz
«ҚР Индустрия және инфрақұрылымдық даму министрі Қайырбек Өскенбаев апта сайын қазақстандық және шетелдік инвестициялық жобалардың іске асырылу барысын саралап, қадағалап отырады», - делінген аталмыш министрліктің баспасөз қызметінің хабарламасында.
Бүгін ведомство басшысы металлургия саласы бойынша жұмыс тобының, атап айтқанда, қара және түсті металлургиядағы инвестициялық жобаларды егжей-тегжейлі зерделеді. Жиын барысында іске асырылып жатқан жобалардың қазіргі жағдайы, проблемалық мәселелер мен оларды шешу жолдары талқыланды.
Айта кетерлігі, жасақталған жұмыс тобы инвестициялық жобалардың іске асырылуы бойынша мониторинг жүргізеді.