Қазақстанда Halyk Bank қосымшасы істен шықты, - деп хабарлайды Tengrinews.kz.
5 қаңтарда таңертеңнен бастап қолданушылар қосымшаға кірмей тұрғанын жазған. Олардың айтуынша, ақау туралы хабарлама шығады.
"Біз көп сұраныс өңдеп жатырмыз. Сәл кейінірек қайталап көріңіз", – делінген ескертуде.
Скриншот: банктің қосымшасынан
Банктің пікірі
Банк өкілдері қосымша техникалық жұмыстарға байланысты уақытша қолжетімсіз екенін айтты.
"Қосымшада жүйеге түсетін жүктеменің артуына байланысты уақытша техникалық шектеулер байқалады. Банктің мамандары сервистердің жұмысын тұрақтандыру және толық қалпына келтіру үшін қажет жұмыстарды жүргізіп жатыр. Шектеулерді мүмкіндігінше тез жою және қызметтерге тұрақты қолжетімділікті қамтамасыз ету үшін барлық шара қабылданып жатыр. Тұтынушылар мен серіктестерге түсіністік танытқаны үшін алғыс білдіреміз", – деп мәлімдеді Halyk Bank-тің баспасөз қызметі.
