2025 жылдың қаңтар-қазан айларында Қазақстанда жиһаз өндірісі 120,8 млрд теңгеге жетті.
Бұл өткен жылдың осы кезеңімен салыстырғанда ақша көрсеткіші бойынша шамамен 1,5 есе көп, тіпті биылғы 10 айдағы өндіріс көлемі 2024 жылдың толық жылдық көрсеткішінен 14,6% жоғары, - деп хабарлайды Aqshamnews.kz.
Дегенмен, Energyprom.kz мәліметіне сай, физикалық көлем индексі 99,9%-ды ғана көрсетіп отырғандықтан, нақты мәнде секторда стагнация байқалады.
Өндірістің жартысынан көбі Алматы қаласы мен Алматы, Түркістан облыстарына тиесілі болды. Айта кетерлігі, Алматы облысында жиһаз өндірісі ақша көрсеткіші бойынша өткен жылдың осы кезеңімен салыстырғанда 2,1 есе өскен.
Нақты бірліктерде ағаштан жасалған кеңсе жиһазы 41,8%-ға өсіп, 353,5 мың данаға жеткен. Ағаш асхана мен қонақ бөлмесінің жиһазы 24,5%-ға, металл каркасты арнайы отырғыш жиһаз 5%-ға артты. Ал ағаш жатын бөлме жиһазы (кереует пен шкафтан басқа) 2 еседен көп қысқарды, асүй жиһазы 8,3%-ға азайды.
Отандық фабрикалар асүй және ағаштан жасалған кеңсе жиһазына ішкі нарық пен экспортты қосқанда сұраныстың 71% және 83,1%-ын қамтамасыз етті. Асүй жиһазының импорты өткен жылмен салыстырғанда үштен бірге қысқарса, ағаш кеңсе жиһазының импорты 25%-ға төмендеді. Ішкі нарықта асүй жиһазының сатылымы 18,3%-ға қысқарса, кеңсе жиһазы 25,2%-ға өсті.
Сауда кәсіпорындары үшін ағаш жиһаз үлесі қысқарды: сұраныстың тек 7,4%-ын отандық өндіріс қамтамасыз етсе, импорт 18,8 есе өсті. Ағаш асхана мен қонақ бөлмесінің жиһазы бойынша отандық үлес 18,6%-ға жетсе, импорт 11,7%-ға азайды, ішкі нарықтағы сатылым 6,5%-ға төмендеді.
Металл каркасты отырғыш жиһазға сұраныстың 39,6%-ын, ағаш каркасты отырғышқа 16,6%-ын отандық өндіріс қамтамасыз етті. Ішкі нарықтағы сатылым тек металл каркасты отырғышта 4%-ға өсті.
2025 жылдың қазан айында жиһаз бен тұрмыстық заттардың бағасы айына 0,3%, жылына 8,2% өсті. Жатын бөлме жиынтықтары 8,7%-ға, диван-кереуеттер 8,5%-ға қымбаттады. Үстелдер мен орындықтардың бағасы сәйкесінше 8,3% және 7,3%-ға өсті.
