Энергетика министрі Алмасадам Сәтқалиевтің айтуынша, Қазақстанда бензин бағасы нарықтық сұраныс пен ұсынысқа байланысты өзгеретін болады, деп хабарлайды aqshamnews.kz
Министрдің пікірінше, бағаның шекті деңгейін нарық өзі анықтайды.
«Баға әлеуметтік жауапты болуы керек және мұнай өнімдері нарығының тұрақтылығын бұзбауы тиіс. Сондықтан бұл баға Агенттік тарапынан бақылана отырып, жүйелі түрде өседі. Нарықтық қағидаларға сүйенсек, белгілі бір уақыт ішінде Қазақстандағы бензин бағасы Ресей деңгейіне жақындауы мүмкін», – деп түйіндеді министр.
2025 жылдың 26 ақпанына сәйкес, Ресейдегі АИ-92 бензинінің орташа бағасы 56,13 рубль (шамамен 325,05 теңгені құрайды). Бұл Қазақстандағы қазіргі бағаға қарағанда шамамен 58,5%-ға жоғары, себебі елімізде бензин құны 205 теңге болып тұр.