Қауіпсіздік пен денсаулық сақтау көрсеткіші орташа.
Қазақстан өмір сүру сапасы бойынша 83 елдің ішінде 72-ші орынға ие болды, деп хабарлайды aqshamnews.kz
Numbeo.com порталы жүргізген зерттеуге сүйенсек, еліміздің ең төменгі көрсеткішке түсуі бірінші рет емес. Мәселен, 2023 жылы Қазақстан 74-ші орында болса, 2022 жылы 76-шы орынға жайғасты.
Numbeo.com зерттеуді елдің өмір сүру құны, сатып алу қабілеті, қауіпсіздік, экология және әртүрлі әлеуметтік аспектілер бойынша жүргізеді.
Дамыған елдермен салыстырғанда Қазақстанның сатып алу қабілеті төмен, баспанасы қымбат, экологиясы нашар.
Бір ғана жағымды көрсеткіш: елімізде өмір сүру құны салыстырмалы түрде төмен, қауіпсіздік пен денсаулық сақтау көрсеткіші орташа деңгейде.