Қазіргі уақытта Қазақстанда көптеген әскери қызметшілер тұрғын үй төлемдерінің кешігуіне шағымдануда, деп хабарлайды aqshamnews.kz
Олардың айтуынша, айлық жалақылары аз, сондықтан бұл төлемдер олар үшін үлкен көмек болатын. Алайда, соңғы уақытта мамыр айында өтетін әскери парадқа байланысты екі ай бойы әскери қызметшілерге ешқандай төлемдердің түспейтіні туралы әңгімелер тарап жүр.
Министрліктен мәлім еткендей, бұл жағдай уақытша болып табылады. Қазір олар тұрғын үй төлемдерін толық көлемде мүмкіндігінше тезірек төлеу үшін барлық қажетті шараларды қабылдап жатыр.
«Бұл жағдай алдағы әскери парадқа еш қатысы жоқ. Байбалам тудыруға ешқандай себеп жоқ», — деп атап өтті министрліктен.
Сонымен қатар, Қорғаныс министрлігі төлемдердің кешігуі салдарынан әскери қызметшілердің несиелері бойынша кешіктірілген төлемдер болуы мүмкін екенін ескеріп, мемлекеттік құрылымдар банктерге әскери қызметшілерге қатысты айыппұл санкцияларын қолданбау туралы өтініш жолданған.