Екінші жыл қатарынан әскерге шақыру науқаны пандемия жағдайында өтуде.
Қазақстанның әскери құрылымдарының қатары 18-27 жас аралығындағы 17 мың жас азаматпен толығады. Бірінші қыркүйек күні әскерге шақыру науқаны басталды, деп хабарлады Almaty-akshamy.kz.
«Жергілікті атқарушы органдар, «Әскери қызмет және әскери қызметшілердің мәртебесі туралы» ҚР Заңына сәйкес, азаматтарды мерзімді әскери қызметке шақыруды ұйымдастырып, қамтамасыз етеді. Әскерге алынған күннен бастап 12 ай қызмет атқарған әскери қызметшілерді запасқа шығару да жоспарлы тәртіппен жүргізіледі», – делінген Қорғаныс министрлігінің баспасөз қызметінің хабарламасында.