Қаржы вице-министрі Ержан Біржанов 45 200 қазақстандық азамат ресми түрде банкрот деп танылғанын айтты, - деп хабарлайды aqshamnews.kz тілшісі.
Бұл адамдардың қаржы ұйымдарының алдындағы қарызы 180 млрд теңгеге жеткен. Қарыздың басым бөлігі - екінші деңгейлі банктердегі несиелер.
"Бұл қарыз түгел кешірілді деуге болады. Бұл заң жеке тұлғалардың қаржылай міндеттемелерін шешуге нақты көмектесіп жатыр", - деді Біржанов үкіметте өткен брифингте.
Банкрот деп танылған азаматтардың ішінде:
- 13 мыңнан аса адам - бес жылдан аса мерзім бойы қарызын өтей алмаған борышкерлер;
- 2,5 мыңға жуық азамат - әлеуметтік тіркеуде тұрған, жағдайы ауыр, табысы төмен отбасылар.
Осылайша, заң 45 мыңнан аса адамның несиелері толық кешірген. Біржановтың айтуынша, банкроттық процесі толық автоматтандырылған және соттан тыс өтеді.
Бұл жүйе адами фактордың әсерін азайтып, шешім қабылдау үдерісін барынша әділ әрі ашық етуге мүмкіндік береді.
"Жеке тұлғалардың банкрот туралы заңы тиімді жұмыс істеп тұр. Қайта қарау немесе адам факторына тәуелді шешімдер жоқ", - деді вице-министр.
