Қазақстан ТМД-дағы ең бейбітсүйгіш мемлекет атанды, - деп хабарлайды Аqshamnews.kz тілшісі Ranking.kz-ке сілтеме жасап.
Global Peace Index баяндамасының мәліметінше, бейбітсүйгіш елдер рейтингінде Қазақстан 163 елдің ішінде 56-орынға жайғасты.
Баяндама авторларының нұсқасы бойынша, бір жыл ішінде рейтингте бес сатыға көтерілген Қазақстан – ТМД-дағы ең бейбіт ел. Қазақстанға ең жақын орналасқандар - Армения (58-орын), Молдова мен Өзбекстан (тиісінше 66 және 67-орын).
Әлемдегі ең бейбітсүйгіш елдер деп Исландия (1-орын), Ирландия және Жаңа Зеландия (3-орын) танылды. Ал 161-орынға Судан қойылған, оның артында Украина, рейтингті Ресей қорытындылайды.
Биыл жеті айда Қазақстанда мемлекеттік басқару, қорғаныс және міндетті әлеуметтік қамсыздандыру салаларындағы негізгі капиталға салынған инвестициялар былтырғы сәйкес кезеңімен салыстырғанда 59 пайызға өсіп, 82 млрд теңгеден асты.
Қаңтар-маусым айларында Қазақстанның қорғаныс шығындары шамамен 467 млрд теңге болды. Былтырдың бірінші жартысында бұл көрсеткіш 451 млрд теңгеден аз болған еді. Алайда доллармен есептегенде қорғаныс шығындары 8,5 пайызға азайғанын аналитиктер атап өтті.