Дәл осындай ережелер Қазақстан аумағына кірген Тайланд азаматтарына да қатысты.
Келісімге сәйкес, бір тарап мемлекетінің азаматтары, жарамдылық мерзімі кемінде 6 ай болуы тиіс жол жүру құжаттарымен Қазақстанның аумағына кіруге, шығуға, транзитпен өтуге, уақытша болу үшін визалық талаптардан босатылады, деп хабарлайды aqshamnews.kz
Екінші тарапқа кіру күнінен бастап 30 күнтізбелік күннен аспайтын мерзімге, 180 күнтізбелік күннің әрбір кезеңінде барлығы 90 күнтізбелік күнге рұқсат беріледі.
Егер екі елдің азаматтары екінші тарап мемлекетінің аумағында 30 күнтізбелік күннен артық жүргісі келсе, онда олар тиісті виза алуы керек.
Сонымен қатар келісім тараптарының әрқайсысы азаматтың елге кіруіне тыйым сала алады. Сондай-ақ оның ел аумағында болу мерзімін қысқартуға немесе тоқтатуға құқылы.