Қазақстан жас спортшылары Манама қаласында (Бахрейн) өткен 2025 жылғы Жасөспірімдер арасындағы Азия ойындарын тарихтағы ең үздік нәтижемен аяқтады, деп хабарлайды Aqshamnews.kz тілшісі.
Қазақстан – Азия ойындарында үздік үштікте
Жалпы ұлттық команда қоржынында 93 медаль бар:
-
24 алтын,
-
29 күміс,
-
40 қола.
Бұл көрсеткіш – Қазақстанның жасөспірімдер Азия ойындарындағы рекордтық нәтижесі.
Ең көп медаль – дзюдодан
Қазақстанға ең көп жүлде әкелген спорт түрі – дзюдо. Біздің татами шеберлері 14 медаль жеңіп алды:
-
4 алтын,
-
5 күміс,
-
5 қола.
Боксшылар – алтын саны бойынша көшбасшы
Бокстан Қазақстан құрамасы 5 алтын медаль еншілеп, алтын саны бойынша ең жоғары нәтиже көрсетті. Сонымен қатар, боксшылар 3 күміс пен 2 қолаға қол жеткізді.
Тарихи жетістік
Қазақстан спортшылары медаль саны бойынша да, спорттық шеберлік сапасы бойынша да ел тарихындағы ең табысты көрсеткішке қол жеткізді.
Айта кетейік, бұған дейін қазақстандық боксшылардың Азия ойындарында 5 алтын медаль жеңіп алғаны хабарланған еді.