"Бәйтерек" кешенін құруға 46,7 млрд теңге бөлінеді.
Қазақстан Ресеймен бірлескен ғарыш жобасына 46 млрд теңгеден астам қаржы бөлуді жоспарлап отыр, деп хабарлайды Almaty-akshamy.kz LS сілтеме жасап.
Цифрлық даму министрлігінің бюджеттік бағдарламасына сәйкес, 2023 жылы пилотсыз аппараттарды ұшыру үшін жаңа буын орта класты ғарыштық мақсаттағы зымыран базасында "Бәйтерек" кешенін құруға 46,7 млрд теңге бөлінеді.
Аталған кешен есебінен "Байқоңыр" ғарыш айлағының белсенділігі сақталады, 500 жаңа жұмыс орны құрылып, ал Қазақстан ұшыру қызметтері нарығына шығады деп күтілуде.
2022 жылы қаржыландыру көлемі 14,4 млрд теңгені, 2021 жылы – 14,1 млрд теңгені, 2020 жылы – 93,1 млн теңгені құрады.
Министрлікте шығындардың қолданыстағы "Зенит-М" ғарыштық зымыран кешенін жаңғыртуға бағытталғанын нақтылады. Өз кезегінде Ресей тарапы "Союз-5" орта класты жаңа зымыран тасығышты жасаумен айналысады.
Цифрлық даму министрлігінің мәліметінше, жаңа зымыран, "Союз-2" зымыран тасығыш сияқты керосин (нафтил) және сұйық оттегі сияқты экологиялық таза отын компоненттерін пайдаланады. Бұл ретте жанармай (керосин РГ-1) Ресей тарапымен зымыран тасығышты іске қосу шеңберінде жеке шарт бойынша жеткізіледі. Сұйық оттегі ғарыш айлағының оттегі-азот зауытында қоршаған атмосферадан өнім алу арқылы өндіріледі.
Естеріңізге сала кетейік, бұған дейін министрлікте "Бәйтеректі" іске қосу мерзімі 2024 жылға ауыстырылғанын хабарлаған болатын.