Қазақстандық семсершілер Азия чемпионатының финалына шықты, деп хабарлайды Aqshamnews.kz тілшісі.
Индонезияның Бали аралында өтіп жатқан семсерлесуден Азия чемпионатында қазақстандық ерлер құрамасы финалға жолдама алды. Ұлттық құрама сапында Елмир Әлімжанов, Вадим Шарлаимов, Ерлік Сертай және Руслан Құрбанов ел намысын қорғап жатыр.
Жарыстың плей-офф кезеңінде отандастарымыз 1/8 финалда Түрікменстан құрамасын 45:21 есебімен ойсырата жеңді. Ширек финалда Сингапур спортшыларын 43:31 есебімен ұтып, жартылай финалда Қытай командасын 45:24 есебімен сенімді түрде жеңіп шықты.
Қазақстан құрамасы енді алтын жүлде үшін Жапониямен сынға түседі. Финалдық кездесу 21 маусымға жоспарланған.