Қазақстан құрамасы Дэвис Кубогінің бірінші әлемдік топтық плей-офф кезеңінде Пәкістанды ойсырата жеңді, деп хабарлайды aqshamnews.kz.
Соңғы ойынды қазақстандық теннисші Денис Евсеев 36 минутта аяқтап, Ахмад Қурешиді 6:0, 6:0 есебімен айқын жеңді. Бұған дейін Александр Шевченко мен Тимофей Скатов жұптық ойында жеңіске жеткен болатын, ал алғашқы ұпайларды Александр Шевченко мен Бейбит Жукаев еншілеген.
Нәтижесінде есеп – 4:0 біздің пайдаға шешілді. Осы жеңіс арқылы Қазақстан "Дэвис Кубогінің" 1-әлемдік тобына қайта оралды.