Халықаралық футбол федерациясының (FIFA) жаңартылған рейтингінде Қазақстан құрамасы төрт сатыға төмендеді.
FIFA өз сайтында ерлер құрамаларының әлемдік рейтингінің жаңа нұсқасын жариялады. Өзгерістер кезекті ойындардың нәтижесіне сәйкес енгізілді, - деп хабарлайды Aqshamnews.kz.
Қазақстан құрамасы соңғы жаңартудан бері 2026 жылғы әлем чемпионатының іріктеу кезеңінде екі матч өткізді:
қыркүйекте өз алаңында Уэльске есе жіберді;
сырт алаңда Бельгиядан ойсырай жеңілді.
Жаңартылған рейтингте қазақстандықтар төрт сатыға сырғып, 118-орынға түсті.
Әлемдік рейтингте көшбасшы ауысты. Бұған дейінгі лидер Аргентина үшінші орынға түсіп қалды. Бірінші орынға Испания көтерілсе, екінші орынға Франция жайғасты.