Астанадағы Жақсылық Үшкемпіров атындағы Жекпе-жек сарайында өтіп жатқан парадзюдодан әлем чемпионатында Қазақстан құрамасы алғашқы алтын медалін жеңіп алды
Ерекше оқиға 81 келіге дейінгі салмақ дәрежесінде, J2 санатындағы спортшылар арасында болды – финалда қос қазақстандық: Бексұлтан Құлмырза мен Ғалымжан Смағұлұлы кездесіп, тартысты белдесу 3 минут 11 секундқа созылды. Жарыс қорытындысында Құлмырза жеңіске жетті.
Айта кетерлігі, бұл жүлде қос спортшының да кәсіби мансабындағы алғашқысы. Мұндай "үйдегі" финал жанкүйерлер үшін үлкен қуанышқа айналып қана қоймай, Қазақстандағы парадзюдоны әлемдік деңгейде мойындата бастағанының нышаны болды.