Бітімгерлерді даярлау, әскери-далалық медицина және РХБ қорғау саласындағы өзара іс-қимыл аспектілері де талқыланды
Қазақстан Республикасы Қарулы күштері Құрлық әскерлерінің бас қолбасшысы генерал-майор Талғат Қойбақов пен Жапонияның Өзін-өзі қорғау күштері Құрлық әскерлері штабының бастығы генерал Йошида Йошихиди арасындағы келіссөздер бейнеконференц байланыс түрінде өтті, деп хабарлайды Almaty-akshamy.kz.
Тараптар бір-бірін Қазақстан мен Жапония арасындағы дипломатиялық қатынастардың орнағанына 30 жыл толуымен құттықтап, әскери ынтымақтастықтың қазіргі ахуалы мен келешекте даму мәселесін талқылады.
Генерал-майор Талғат Қойбақов пен генерал Йошида Йошихиди әскери білім мен ғылым желісі бойынша ынтымақтастықты дамытуға қызығушылық білдірді. Келіссөздер барысында сондай-ақ, бітімгерлерді даярлау, әскери-далалық медицина және РХБ қорғау саласындағы өзара іс-қимыл аспектілері де талқыланды.