Қазақстан жол апатынан қаза тапқандар саны бойынша әлемде алғашқы үштікте тұр, - деп хабарлайды aqshamnews.kz тілшісі "КТК" телеарнасына сілтеме жасап.
Биыл елімізде 15 мыңнан аса жол-көлік оқиғасы тіркелген. Соның салдарынан 1600 адам ажал құшып, 35 мыңнан астамы түрлі жарақат алыпты. Жолдағы ажал санынан Ресей мен АҚШ көш бастап тұр. Үшінші орында Қазақстан тұр. Бұл статистиканы БҰҰ-ға қарасты Еуропалық экономикалық комиссия жариялады.
Зерттеуге сәйкес, жол апаттарының 90% жуығына жүргізушілердің қателігі себеп болады екен. Әсіресе жылдамдықты шамадан тыс асыру талай жанның өліміне әкелген. Ал жол-көлік оқиғаларының қалған 10%-ы жаяу жүргіншілердің жол ережесін сақтамауынан болған.