2025 жылдың алғашқы жеті айында Қазақстан Ираннан 1,6 мың тонна сары май импорттады.
Бұл өткен жылмен салыстырғанда 64%-ға көп, - деп хабарлайды Aqshamnews.kz.
Ақшалай көрсеткіш бойынша өсім 91%-ды құрап, $8,4 млн деңгейіне жетті. Бұл мәліметті ҚР ҰЭМ Статистика комитетінің БНС АСПиР бөлімі ұсынды.
Бұл - Ираннан қаңтар-шілде айларындағы сары май жеткізілімі бойынша тарихи рекорд. Айта кету керек, Иран Қазақстанға сары май экспорттай бастағанына небәрі төрт жыл ғана болды. Иран - қазір Қазақстандағы ең ірі шетелдік сары май жеткізуші. Оның нарықтағы үлесі 41%-ға жетіп, бір жыл ішінде 9 пайыздық тармаққа артқан. Сарапшылардың пайымынша, ирандық май ірі супермаркеттерде кең таралмағанымен, көтерме сатып алушылар үшін қолжетімді, яғни HoReCa және өңдеуші кәсіпорындарға бағытталуы мүмкін.
