Бүгін хоккейден Қазақстанның жастар құрамасы Лейк-Плэсидте өтетін 2023 жылғы Универсиадада топтық кезеңдегі соңғы матчын өткізеді.
Қазақстан - АҚШ кездесуі Астана уақыты бойынша 20:30-да басталады, деп хабарлайды Almaty-akshamy.kz.
Төрт ойыннан кейін Қазақстан құрамасының еншісінде 12 ұпай бар. Қазақстан негізгі уақытта төрт рет жеңіске жетіп, үлкен нәтиже көрсетті. Бұған дейін Қазақстан хоккейшілері Оңтүстік Корея (5:1), Венгрия (9:1), Ұлыбритания (15:1) және Словакия (4:0) құрамаларын жеңді.
Командалардың топтағы орнына келсек, Қазақстан – 12 ұпай (4 матч), Словакия – 9 ұпай (4 матч), АҚШ – 6 ұпай (3 матч), Венгрия – 6 ұпай (4 матч). ), Оңтүстік Корея – 0 ұпай (3 матч), Ұлыбритания – 0 ұпай (4 матч). Бірінші және екінші орын алған командалар плей-офф кезеңіне өтеді.