Бұл туралы ҚР Энергетика министрі Болат Ақшолақов мәлімдеді.
Министр экспортты бастау үшін Ресейдің жауабы керек екенін айтты, деп хабарлайды Almaty-akshamy.kz
Өйткені мұнай осы елдің аумағы арқылы тасымалданады.
Үкімет отырысында ҚР Энергетика министрі Болат Ақшолақов қазақстандық мұнайды Германияға экспорттау мүмкіндігіне қатысты пікір білдірді, деп хабарлайды Zakon.kz.
Оның айтуынша, енді жылына 1,5 миллион тоннаға дейін экспорттау жоспарланып отыр.
«Біз алты миллионға дейін экспорттай аламыз. Бірақ Германияның қажеттілігі, әрине, жоғары. Біз Ресей Федерациясындағы әріптестерден ресми растауды күттік, өйткені олардың шекарасы арқылы өтеді. Біз ауызша растауды алдық. Меніңше, ешқандай проблема болмайды», - деді Болат Ақшолақов.
Министр экспортқа жеткілікті қуат болатынына сенімді.
«Бізде жауап ауызша, әлі жазбаша түрде жоқ. Бұл нәрсе қиынға соқпайды деп ойлаймын, қуаты жеткілікті. Ең бастысы, тұтынушылар қабылдап алады. Бізде Ресей Федерациясымен жеткізуге қатысты үлкен проблемалар болған емес. Жалпы алғанда, бұл жылына 1,5 миллионға дейін жетуі мүмкін. Бірақ біз бере алатын ең көбі жылына 6 миллион тонна», - деді ол.
Болат Ақшолақовтың айтуынша, бірінші партия растау алған бойда жөнелтіледі және көлік ұйымдары да тиісті келісімдерге қол қоюы қажет.