Қазақстанның футзал құрамасы Еуро-2026 іріктеу кезеңіндегі кезекті матчында Дания құрамасымен кездесіп, сенімді жеңіске қол жеткізді. Астана қаласында өткен ойын 7:3 есебімен қазақстандықтардың пайдасына аяқталды. Бұл туралы Aqshamnews.kz сайты хабарлайды.
Матч барысында Қазақстан құрамасының ойыншылары жоғары шеберлік танытып, қарсыластар қақпасына бірнеше дәл соққылар жасады. Команданың шабуыл шебінде ерекше көзге түскен Дуглас Жуниор дубль авторы атанса, сондай-ақ Дәурен Тұрсағұлов, Ақжол Дарибай, Азат Вәлиулин және Дамир Қайырбай бір-бір голдан соқты. Бұған қоса, Дания құрамасының ойыншысы өз қақпасына бір гол енгізіп алды.
Бұл жеңіс Қазақстан құрамасының Еуро-2026 финалдық кезеңіне шығу жолындағы мүмкіндіктерін арттыра түсті. Ойыншыларымыздың шеберлігі мен үйлесімді командалық ойыны жанкүйерлерді қуантты.