Қазақстандықтардың бақыт индексі жоғары
Пандемия, әлеуметтік-экономикалық жағдайларға қарамастан, бақытты қазақстандықтар қатары басым. Мұндай нәтижені Gallup International жүргізген зерттеуі көрсетіп отыр. Зерттеу бойынша әлемдегі бақытты елдердің рейтингі жарияланды, деп хабарлайды Almaty-akshamy.kz
Аталмыш зерттеуге 44 елден 41460 адам қатысқан. Онда қазақстандықтардың бақыт индексі 81%-ды көрсеткен, осылайша ел тұрғындары әлемдегі бақытты адамдар қатарынан болып шықты.
«Бақыт деңгейі тікелей кіріске байланысты емес. Қазір әлем өзгеріп жатыр, көптеген ұғымдар астаң-кестең болды. Болашақтың келбеті бұлыңғыр», – дейді зерттеуді жүргізген Gallup International ұйымының өкілі Андрей Милехин.
Ең төмен көрсеткіш Гана, Ауғанстан, Гонконг, Ирак және Ресей елдерінде тіркелген.