Қырғызстанда күрес түрлерінен Азия чемпионаты өз мәресіне жетті. Қазақстан құрамасы 9-орынды иеленді, – деп хабарлайды aqshamnews.kz тілшісі.
Қазақстан құрлықтық турнирде жеті медаль жеңіп алды — бір алтын және алты қола. Еліміздегі жалғыз алтынды 72 келі салмақ дәрежесінде сынға түскен грек-рим күресінің балуаны Алматбек Аманбек иеленді.
Медальдар саны бойынша Иран 6 алтын, 6 күміс, 6 қоламен көш бастады. Екінші орынды жапондық спортшылар иеленді. Олардың қоржынында 15 медаль (6-5-4) бар. Үздік үштікті 14 медальмен Қытай түйіндеді (5-1-8).
Сондай-ақ үздік ондықтың қатарында Қырғызстан (12 медаль), Үндістан (17 медаль), Өзбекстан (11 медаль), Моңғолия (8 медаль) және Солтүстік Корея (4 медаль) бар.