Орал қаласының Сарытау шағынауданында (Зачаганск) "ВАЗ-2114" жүргізушісі рөлге ие бола алмай, жарық бағанасына соғылып, көлік толығымен аударылып кеткен, деп хабарлайды Aqshamnews.kz тілшісі.
Батыс Қазақстан облыстық Полиция департаментінің мәліметінше, оқиға 8 қыркүйекте сағат 01:30 шамасында Күлтегін көшесінде тіркелген.
"8 қыркүйек сағат 01:30-де "ВАЗ-2114" жүргізушісі Күлтегін көшесімен келе жатып, рөлге ие бола алмай, жарық бағанасына соқтығысып, кейін көлік аударылды. Жол апаты салдарынан көліктің жолаушысы ауруханаға жеткізу кезінде алған жарақатынан қайтыс болды", – делінген Батыс Қазақстан облысы Полиция департаментінің баспасөз қызметінің хабарламасында.
Аталған дерек бойынша қылмыстық іс қозғалды. Тергеу жүргізіліп жатыр. Көлікті жүргізген адам ұсталып, уақытша ұстау изоляторына қамалды.