Компьютер алдында ұзақ отырған соң көз шаршайтыны белгілі. 29 жастағы Аманда Хан бұған мән бермеген, нәтижесінде оған қауіпті диагноз қойылған, - деп хабарлайды Аqshamnews.kz тілшісі.
Бірнеше жыл бойы Аманда кейде қолы мен аяғының жансызданатынын, есте сақтау қабілетінің нашарлағанын байқаса да, оған мән бермеген. Бірақ көзіндегі қатты ауырсыну оны алаңдатты. Төменге немесе жан-жағына қараған сайын көзінде шаншу пайда болды.
"Алғашында мұны жұмыстан көрдім. Маркетинг саласында істеймін, күні бойы компьютерге қарап отырамын", – дейді ол.
Көп ұзамай көруі нашарлап, түстер дұрыс көрінбей бастады. Аманда офтальмологқа барып, МРТ жасатты. Дәрігерлер оған "енжар склероз" диагнозын қойды.
Ауру туралы
Енжар склероз - миды, жұлынды және көру жүйкесін зақымдайтын созылмалы аутоиммун дерт. Оны толық емдейтін әдіс жоқ, бірақ дұрыс терапия асқынуды азайтып, өмір сапасын жақсарта алады.
Өмірін өзгерткен диагноз
Басында Аманда бұл диагнозға сене алмады. Оның анасы да дәл осы дертпен ауырады. Диагнозды растау үшін ол бірнеше дәрігерге қаралды.
Қазір бұл оқиғадан жеті жыл өтті. Аманда ауруымен өмір сүруді үйренгенін айтады.
"Қиын күндер болады, бірақ мен өзіме қуаныш сыйлайтын нәрселерге назар аударамын: белсенді боламын, адамдармен сөйлесемін, тәжірибемді бөлісемін".
Ол өмір салтын да өзгертті: күн сайын жаяу жүреді, дұрыс тамақтанады, ұйқысын реттеді. Қазір Аманда әлеуметтік желілерде өзінің оқиғасын айтып, басқа адамдарға мотивация береді.
Көз шаршамау үшін не істеу керек?
1. 20-20-20 ережесі
Әр 20 минут сайын 20 секундқа 6 метр қашыққа қара. Бұл көз бұлшықеттерін босаңсытады.
2. Көзді айналдыру жаттығуы
-
Көзіңді сағат тілімен 5 рет айналдыр.
-
Кейін сағат тіліне қарсы 5 рет айналдыр.
3. Алақанмен жабу (Пальминг)
-
Қолыңды жылытып, көзіңді алақаныңмен жауып, 1-2 минут қараңғыда отыр.
4. Көзді бір нүктеден алысқа әкету
-
Терезеден сыртқа қарап, алыстағы затқа 3-5 секунд қара.
-
Сосын жақын затқа 3-5 секунд қара. 5-10 рет қайтала.
5. Көзді жиі жыпылықтату
Мониторға қарағанда жыпылықтауды ұмытып кетеміз. Әдейілеп жиі жыпылықта көздің құрғауын азайтады.
6. Үзіліс жасау
Көзге ең жақсы жаттығу – әр сағат сайын 5 минутқа монитордан мүлде қарамай демалу.