Қасым-Жомарт Тоқаев Никол Пашинянды Арменияның Тәуелсіздік күнімен құттықтады
Президент Қасым-Жомарт Тоқаев Армения Республикасының Премьер-министрі Никол Пашинянды елдің Тәуелсіздік күнімен құттықтап, арнайы жеделхат жолдады, деп хабарлайды aqshamnews.kz
Жеделхатта Тоқаев Никол Пашинянның басшылығымен Арменияның мемлекет ретінде дамуы, азаматтардың әл-ауқатының артуы және елдің халықаралық аренадағы беделінің нығаюы бағытында айтарлықтай табыстарға қол жеткізгенін атап өтті.
Сонымен қатар, Мемлекет басшысы қазақ-армян достық және өзара тиімді ынтымақтастыққа негізделген қарым-қатынастарды одан әрі нығайтуға ниетті екенін білдірді.
Қасым-Жомарт Тоқаев Никол Пашинянға жауапты қызметінде табыстар тілеп, Армения халқына молшылық пен бақ-береке тіледі.