Мемлекет басшысы Әзірбайжан Президенті Ильхам Әлиевпен телефон арқылы сөйлесті.
Қасым-Жомарт Тоқаев Ильхам Әлиевті туған күнімен құттықтап, бауырлас Әзірбайжан халқының игілігі жолындағы мемлекеттік қызметіне табыс тіледі, деп хабарлайды aqshamnews.kz Ақорданың ресми сайтына сілтеме жасап.
Мемлекет басшысы қазақ-әзербайжан қатынастарын дамытуға қосқан Ильхам Әлиевтің елеулі үлесін жоғары бағалады.
Президенттер екіжақты ықпалдастықтың қарқыны жоғары екенін атап өтіп, сауда-экономикалық және мәдени-гуманитарлық салалардағы стратегиялық серіктестікті одан әрі нығайту перспективасын талқылады.
Әсіресе, жоғары деңгейдегі сапарлар кезінде қол жеткізілген уағдаластықтарды жүзеге асыру мәселесіне айрықша мән берілді.