Аш қарынға спортпен айналысуға бола ма деген сауал спортшылар мен тамақтану және фитнес мамандары арасында жиі талқыланады. Нақты жауап әр адамға әртүрлі болуы мүмкін, себебі ол сіздің мақсатыңызға, жаттығудың түріне және денсаулығыңызға байланысты. Аqshamnews.kz тілшісі аш қарынға жаттығудың жақсы және жаман жақтарын қарастырды.
Жағымды жақтары
Аш қарынға жаттыққанда ағза майды тезірек ыдырата бастайды. Себебі ас қорытуға энергия түспегендіктен, қандағы қант азаяды да, организм қуатты май қорынан алады.
Жеңіл сезіну
Кейбір адамдар аш қарынға жаттыққанда өздерін жеңіл әрі белсенді сезінеді, өйткені тамақтан кейінгі асқазандағы ауырлық мазаламайды.
Аштықтың артуы
Аш қарынға жасалған жаттығудан кейін тәбет артып, адам тамақты жақсырақ ішеді әрі тамақтану тәртібін оңай қадағалай алады.
Жағымсыз тұстары
Жаттығу тиімділігінің төмендеуі. Энергия қоры жеткіліксіз болғандықтан, аш қарынға жасалған жаттығу өнімділікті азайтады. Бұл әсіресе қарқыны жоғары жаттығуларда қатты байқалады.
Гипогликемия қаупі. Аш қарынға жаттығу қандағы қант деңгейінің төмендеуіне әкелуі мүмкін, бұл әлсіздікке, бас айналуға, тіпті есінен тануға себеп болады.
Бұлшықет массасының азаюы. Егер сіз үнемі аш қарынға жаттыға берсеңіз, бұлшықет массасы азаюы мүмкін.
Мотивацияның төмендеуі. Кейбір адамдар энергиясыз өзін әлсіз сезініп, жаттығуға ынтасы азаяды.
Ұсыныстар
- Жаттығу алдында міндетті түрде су ішуді ұмытпаңыз. Тамақтанбасаңыз да, су жеткілікті болмаса, нәтижеңізге тікелей әсер етеді.
- Аш қарында жаттығуды жоспарласаңыз, қарқынды емес, жеңіл немесе орташа жаттығуларды таңдаған дұрыс, ал тым ауыр күштік жаттығулардан бас тартыңыз.
- Өз жағдайыңызды үнемі бақылап жүріңіз: егер әлсіздік, бас айналу немесе күш жетпегенін байқасаңыз, жаттығуды тоқтатып, жеміс-жидек не йогурт сияқты жеңіл ас ішкен жөн.
- Жаттығудан кейін ағзаны қалпына келтіру үшін ақуыз бен көмірсуы бар тағамдармен тамақтанған абзал.
- Аш қарында спортпен айналысу әр адамға әртүрлі әсер етеді, сондықтан шешімді жеке мақсатыңызға, денсаулығыңызға және әдетіңізге қарай қабылдаған дұрыс. Ал егер күмәндансаңыз, маманның кеңесіне жүгінген жөн.