Қарағанды ферроқорытпа зауытында зардап шеккен жұмысшылардың бірі ауруханада қайтыс болды.
31 жастағы ер адамның денесін 85% күйік шалған, деп хабарлайды almaty-akshamy.kz.
Жергілікті мамандардан бөлек, Астана мен Ресейден келген дәрігерлер барын салғанымен, жанын аман сақтап қала алмады. Қалған 5 жұмыскердің жағдайы әлі де ауыр. Тағы екі науқас интенсивті терапия бөлімінде.
Естеріңізге сала кетейік, Қарағандыда ферроқорытпа зауытында пештен кенеттен жалын шыққан болатын.
Ал кеше Қарағанды облысы ферроқорытпа зауытында болған төтенше жағдайдың мән-жайын анықтау үшін арнайы комиссия құрылғанын хабарлаған болатынбыз.