Brent маркалы мұнай бағасы барреліне 64 доллардан асты, - деп хабарлайды aqshamnews.kz
Лондондағы ICE биржасында Brent маркалы мұнайдың тамыздағы фьючерстерінің бағасы Астана уақытымен сағат 09:06-да 2,21 пайызға өсіп, барреліне 64,16 доллар болды.
WTI маркалы мұнайдың шілдедегі фьючерстерінің құны 2,51 пайызға өсіп, барреліне 62,32 доллар болды.
Мұнай бағасы жаңа сауда аптасын ОПЕК+ елдерінің шілдеде мұнай өндіру көлемін арттыру туралы шешім қабылдауына байланысты жағымды жаңалықтар фонында сенімді өсіммен бастады.
"Қатысушы сегіз ел 2025 жылдың маусымындағы қажетті өндіру деңгейінен 2025 жылдың шілдесінде тәулігіне 411 000 баррельге дейін өндірісті түзетеді", - делінген ұйым мәлімдемесінде.