107 күдіктіге қатысты қылмыстық іс айыптау актілерімен аяқталды.
Бұл туралы ІІМ тергеу департаментінің бастығы Санжар Әділов ОКҚ брифингінде айтты, деп хабарлайды Almaty-akshamy.kz
«Ішкі істер органдары тергеушілері тарапынан қаңтар оқиғалары бойынша 107 күдіктіге қатысты қылмыстық істер айыптау актілерімен аяқталды. Бұл істердің де негізгі бөлігін ұрлықтар 65, қаруды заңсыз сақтау фактілері 11, оларды ұрлау 7 және өзге қылмыстар құрайды», – деді Санжар Әділов Орталық коммуникациялар қызметінде.
Департамент бастығының айтуынша, сотқа 86 айыпталушы берілген.
«Елімізде жеке басы және жасаған қылмыс ауырлығы ескеріле отырып 52 адам сотталды. Олардың 39-ының бас бостандығы шектеліп, 13-і бас бостандығынан айырылды, ал 2 адамға қатысты іс тараптар татуласуына байланысты тоқтатылды», – деді Санжар Әділов.