Ринат Балгабаев «закладка» мәселесіне арналған жаңа деректі фильмін жарыққа шығарды, деп хабарлайды aqshamnews.kz
Бұл фильмде жеңіл әрі тез табысқа құнығып, есірткі тасымалдауға келісіп, кейін бұл әрекетінің өте ауыр салдарына душар болған адамдардың тағдырын баяндайды. «Закладчиктердің» көпшілігі, өкінішке орай, өз ісінің қауіптілігін және оның өмірді талқандап қана қоймай, бас бостандығынан айырылу жазасына алып келетінін түсінбей жатады. Құқық қорғау органдарының мәліметінше, мұндай әрекет үшін ең аз жаза мерзімі – 10 жыл түрме.
Фильмде Балгабаев осы жолға түсіп, тағдырына балта шабылған адамдардың шынайы әңгімелерін жинақтаған. Жасаған әрекеттері үшін өмірлерінің мәнін жоғалтқанын сезініп, енді басқа адамдарға сабақ болуды көздеген кейіпкерлердің өмірі арқылы көрерменге басты бір ой жеткізілді: «Қанша ақша тапсаң да, ол сенің бостандығың мен болашағыңа тұрмайды».
Бұл фильм әр жасқа ой салады. Жастар үшін қате бір таңдаудың салдары арман-мақсаттарынан бір сәтте айыруы мүмкін. Қауіп-қатерлер мен ауыр зардаптардан аулақ болу – әрбір адамның өз қолында. Өздеріңді және жақындарыңды мұндай қауіпті табыс көздерінен қорғаңдар.