Әйелдер вагондарындағы билет бағасында айырмашылық жоқ.
7 жасқа дейінгі ер балалар да әйелдер вагондарына отыра алады, деп хабарлайды aqshamnews.kz
"Жолаушылар тасымалы" компаниясының баспасөз қызметінің мәліметінше, бүгінгі күні бұл қызмет 11 жолаушылар пойызында көрсетіледі:
№354/353 Астана – Семей;
№24/23 Ақтөбе – Алматы;
№25/26 Алматы – Шымкент;
№77/78 Алматы – Маңғыстау;
№351/352 Алматы – Өскемен;
№45/46 Павлодар – Түркістан;
№37/38 Маңғыстау – Семей;
№47/48 Атырау – Астана;
№33/34 Ақтөбе – Алматы-1;
№4/3 Астана – Алматы-2;
№71/72 Астана – Шымкент.
"Билетті вокзалдан кассаларға жеке жүгіну арқылы сатып алуға болады. Бұл ретте билет кассаларының қызметкеріне әйелдер вагонында орынды таңдау қажеттігі туралы хабарлау қажет. Сондай-ақ, жолаушылар әйелдер вагондарынан орынды онлайн сатып алу кезінде де таңдай алады. Мысалы, bilet.railways.kz сайтынан теміржол билеттерін сатып алу кезінде "WC" (әйел) аббревиатурасына назар аудару керек, бұл билет тек әйелдер вагонына сатылатындығын көрсетеді", – деп атап өтті баспасөз қызметі.