Биылғы мол жауын-шашын қаланың арық жүйесіндегі проблемалық учаскелерді анықтауға мүмкіндік берді.
Су басу проблемаларын шешу мақсатында қаланың Шығыс және Орталық бөліктерінде нөсер кәрізінің құрылысын жалғастыруға 3,2 млрд. теңгеге қаражат көзделген, деп хабарлайды Almaty-akshamy.kz
Боралдай, Кіші Алматы өзендері бойындағы аумақты абаттандыруға, Сайран көлін реконструкциясын бастауға бюджеттен 1,3 млрд. теңге бөлу жоспарлануда.
Сондай-ақ, қаланың 8 ауданында скверлерді, саябақтарды, аула аумақтарын және балалар алаңдарын абаттандыруға 1,3 млрд. теңге қарастырылған.
Бұдан басқа, «Халық қатысатын бюджет» жобасын жалғастыруға қаланың 8 ауданына қосымша 7 млрд. теңге бағыттау ұсынылады.